الله ع أيام زمان يا سامح
لما كنا صغار نتجمع والأهل يجتمعوا معنا
والله ع بطيخ زمان وناس زمان
كل شي كان حتى البطيخ كان وع السكين يا بطيخ والله بدك الصحيح يا ابو وديع راحوا وراحت معهم أحلى الأيام

سامح صور روعه وذوق
وأختيارك للمواضيع وكلماتك وأنت ع طبيعك تُعبر بها عن نقاء روحك

الله يجعل أيامك فرح وسعاده
ويحميلك الأسد قول آمين

الغالي ابو وديع
الله يسامح ذكرتني بايام زمان لما كنا نجيب البطيخة وتكون مثل الدم حمرا ومثل العسل حلوة ونبقى نوكل ونتسابق على الاكل مع الخبز وفي رمضان ما يحلى السحور على على بطيخ وخبز وجبنة بيضا عمرها هذه الايام ما رايحة تعود
شوف بطيخ اليوم كبير ومهرمن ومعظمه اشقر ومش حلو
احكيلك بصراحة بطلت اكل بطيخ من بعد ما راح البطيخ الحقيقي ايام اجدادنا وكان يجي من فلسطين
ولك حبي وتقديري
يافا

بسم الله الرحمن الرحيم

اخي الفلاح الاصيل: ابا وديع وامووون
السلام عليكم ورحمة الله وبركاته0000


اي والله يا ابو وديع الله يرحم ايام زمان لما كنا نعمل البطيخة هلالات لكل واحد جنح بطيخ والطربوش للصغير
والبزرات نشفوهن ها مش ترموهن

والبطيخ حلو زي السكر مرمل( زي الرمل)

اليوم البطيخ يا حسرة بدون بزر ولا طعم ولا حلاة كله كيماوي
منظر ع الفاضي بدون ريحة

والله صور بتجنن ابو وديع

والله يرحم ستك ويديم الصحة على سيدك
ويرحم لمتنا تحت العريشه
معلش انا والاولاد ما زلنا نلتم تحت الداليه بس العريشة مواسير حديد باب البيت ونوكل البطيخ مع الخبز والجبنة

ولن اندم اني سميتك الفلاح الاصيل
يا اصيل يا ابن الاصول

ولك مني كل التحية والتقدير

==ابوجاسم==

أخي سامح

مع إطلالة الصيف و تربع سلطان الغلال على عرش السوق
ألا و هو البطيخ و إبن خالته الدلاع .....فكرتنا في الصغر و براءته
فكرتنا في حلاوة الغلال الطبيعية المفقودة بعصرنا
فكرتنا في بساطة العيش فلا هم و لا غم ....كل الدنيا زرقاء أمام أعيننا
.............ولكن يجب أن نتقبل الواقع بما فيه...الإنسان كبر و دخل عالم
آخر به الحلو و المر...الحمد لله توفرت لك فرصة عايشت فيها واقعا فلاحيا
كما يبدو لي .
دمت في حفظ الله ورعايته .

اخي العزيز الموقع جميل واتمنا لك مزيد اتقدم وانجاح وامتعنا بمزيد من الموضوعات اشيقا وجميلة والي الامام يا ابو وديع timecc

السلام عليكم ورحمة الله وبركاته

ما شاء الله....طرق للزينة رائعة

الصورة الثانية هذي اصنعها

واسمها سلت الغلال وايضا الايس كريم

اما البقية لااااااااا

انتم تسمونها بطيخة..

اما احنا في تونس اسمها(دلاعة)

اخي سامح ذكرتني كيف كانت

الوالدةتقسمها لازم وسط الدلاعة الذي

لايحوي بذور يقدم للوالد والجد...

والبقية للاطفال والنساء

اسعد الله ايامك وجازاك خيرا

اختك في الله

عليسة اميرة قرطاج

كل شيء يتغير مع الزمن وبندثر مع الايام وتبدل الزمن لازمان تختلف عن زمن
بالسابق كان كل شبء حلوة وله طعم
كان يجتمع الاعهل ببعض على شيء اكله خلوة ويكون ليها طعم اخلى
اليوم نشاهد اكلات جديد و
ربما الانسان شبع من البطيخ ودخله في تصميم المناظر له
موفق

الو

الو

كحلون , ستي

ستي يا ستي

اشتئتلك يا ستي

علي صوتك صوتك بعيد

جاي من الكرم جاي من التفاح

صوتك حامل شمس وفي

لون التين والزيتوووون

الله يرحم ستك وستي

بسيطه أخي سامح كويس انه احتفظ

باسمه بطيخ

أنا جيت اليمن لاقيتهم مسمينه

حبحب

تحياتي

الله على البطيخ
شهيتنا صحيح بطيخ زمان كان
على السكين وريحتوا وطعم ازكى
لاكن بضل بطيخ ما بتغير اسموا
عشنا زمان واليوم وشفنا الحاضر والماضي
واجدادنا عيشتنا عندهم كانت حاضر
وكان هم كمان الهم ماضي احلا من ماضينا
ويبقى الماضي من عبق الاصاله
سلمت على الابداع
صور بجنن
ربي يوفقك
ماما نرجس

ههههه شو جاب بطيخات أيام زمان لهذول البطيخات... كل اشي بيختلف... مش بس الشكل والتفنن... القعدة واللمة كمان...

يعني أنا وأخوي كنا واحنا صغار مشهورين في حبنا للبطيخ... اللي كان جاي على باله يضحك كان ييجي ويتفرج علينا واحنا نوكل هههههه...

صدق أو لا تصدق بس أنا بعرف ناس اللي من أيام زمان وهم يوكلوا خبز مع بطيخ... وعلى رايهن انو زاكي كثير... والله أعلم...

صحتين للجميع على كل حال... ومطرح ما يسري يمري...

مشكور يا أبو وديع على هذه الصور الجميلة... ولك تحياتي...

منال

العزيز ابو وديع
اسعد الله ايامك بكل الخير والسعادة
سلمت اناملك لما قدمته لنا من صور جميلة ورائعة عن الدلاح هكدا يسمى عندنا وهو متوفر كثير هذه الايام انا شاهدت هذه الايام في التلفزة بطيخ مربع
هههه كل شئ غيروه حتى البطيخ لم يسلم
دمت بخبر وسعادة
دمت في حفظ الله ورعايته
تحياتي

صديقي من وقت ما قلت الي في موضوع بطيخ وما بطيخ ولنا محضر الك تعليق ما ظنيت حد من جيران يجيب الك مثله

نداء الاعة المتجولين على البطيخ :

اتحلى واتسلى و طعمي الحمار

يعني اللب حلو والبزر للتسلاي وقشر البطيخ بعيد عن السامعين للحمير

يا حرام ما طولت الشغلة واجا بطيخ بلا بزر ...

كمان شغلة برمضان كنا نشتري ومرات نسرق بطيخة صغيرة " زقطة" ونقحفها من جوة ونخزق البطيخة بمقحاف الكوسا

ونولع جواها شمعة فوانيس رمضان

تحياتي لبطيخ ابو بزر وابو قشر

كوكتيل ولا احلى ..مستر حوار

عزيزي ابو وديع
احنا عندنا نسميه الرقًي
وفي الموصل شمال العراق يسمى الدبشي او الشمزي
وايا كان الأسم فهو يبقى من الأمور التي تتشابه الطقوس فيه
وكما يقولون
تعددت الأسماء والبطيخ واحد
هههههههههههههههههههههه
بس دخلك
انا بهاي الصور ما بقدر اكل البطيخ
بدي ظل اتفرج عليهن
هههههههههههههههههههه
يللا اشتريلي واحده وخلي دول للفرجه بس
سلام يا عسل

الله على ايام زمان و بطيخ زمان ..

يا ريت ترجع هاى الايام ..

بطيخ الزمن هاد كله كيماويات و مواد سامة و ما اله طعم بالمرة ..

تسلم يمينك يا ابو وديع لـ هاد الموضوع اللى بيفتح النفس ..

..:: همسة ::..

بسم الله الرحمن الرحيم

اخي العزيز : ابا وديع ( الفلاح الاصيل)
السلام عليكم ورحمة الله وبركاته000

معلش لأني بأحب البطيخ كثير
رجعت لموضوعك اعلق مرة ثانية0000سامحني


البطيخ يا حفظ السلامه هان في السعودية يسمونه
الجح او الحبحب
اما في الكويت فيسمونه
الرقية

اما عندنا في فلسطين
الكبير بطيخة
والصغيرة زقطة
وآخر الموسم لما تكون الحبة صغيرة ومجعلكة
يسموها رجعي

والمثل عنا ==بلا 00000؟؟؟؟
بلا بطيخ امسمر 000يعني
البطيخة لما يكون فيها مسمار ما بتصلح للأكل
يمكن شباب هالايام ما بتعرف كيف يعني بيكون البطيخ امسمر --
بيكون فيه عقد صفراء صلبة بيخرب نصف البطيخة--

وزمان لما يفتحو البطيخة يحطوها في الهاء والشمس شوية عشان تبرد
ما كان في ثلاجات للتبريد

وكان اللب للوالد او لكبير الجلسة
اما البزرات للتسالي
والقشرات للغنم او الحمير او الدجاج

يعني ما هم فاضيين يزينة البطيخة عشان يتفرجوا عليها
وما كانو يرمو منها ولا حاجة ابدا
حتى انهم في بعض السنين مرت عليهم يعملوا من الطبقة البيضة ما بين القشرة الخضراء والحمراء
مربى ومخلل بطيخ ---
يا سلام على ايام البساطة والعيشة الهنية

واحمر وع السكين يا بطيخ
كل وتسلى واطعم حمارك
حلو ومرمل يا بطيخ
مال جنين يا بطيخ
احلى من العسل يا بطيخ

أجى بياع البطيخ

كل الاصالة اشوفها فيك اخي ابو وديع
لك مني كل التحية والتقدير
ايها الفلاح الاصيل

اخوكم== ابوجاسم==

حرام عليك يا اخي أسلت لعابي هههه

انا كمان ابن البادية وبعرف هالاحساس

واسألني انا شو صار بالبتيخ ههههه

الله يا زمان

ممممم لاتفكر من كلامي اني عكزت ههههه

لساتي شباب

شكرا

عن جد كانت ايام كثير حلوة بس انا كنت صغيرة يعني مش فاكرة هالايام وياريت لو اني فاكرة يوم من ايام ستي .
عن جد في هذه الايام نسيو زمان ونسيو اكلات زمان ونسيو ناس زمان ومواضيعك بشكل عام بترغمنا نحن لزمان.
شكرا لك اخي سامح مع تمنياتي لك بالتوفيق

والله يا اخوي ارجعت تذكرنا بزمان وبايام زمان وايام ستي وسيدي وايام العيشي عالحلوة والمرة وعالبساط الي كنا نتجمع عليه وكانت ستي تحكينا القصص الحلوة الي ما بتنتسا وذكرتنا كمان بايام الزعتر والزيت والشاي والله ايام عن جد كانت حلوة وما بتنتسا .الله عليك يا ابو وديع يالفلاح الاصيل .
علي

يسعد قلبك يا أبو وديع ..

والله ذكرتني بستي الله يرحمها وحصيرتها وسفرة الطبلية تعتها .. وصينية مدورة كبيرة وكلنا نتجمع حواليها ولكن كنا نتسابق مين رح يحصل على زهرة البطيخة وكنا نبقى ننتظر بلهفة بس عمرها ما كانت من نصيب الصغار قال هاي حصة الكبار لأنها أكتر حلاوة ..

طيب ونسيت بزر البطيخ وهو كمان ننتظره بلهفة ونغسله وننشفه بالشمس ونحمصه .. أيام حلوة وما بنقدر ننساها ..

شكراً كتير لحلاوة قلبك وروحك ..

واااااااااو

رغم اني من عشاق الشمام

بس دخيل عينه هالبطيخ شو شهي

ايام زمان أكيد حلوة

بس هالمناظر والله بتاخد العقل

يا محلاهم الموظفين وهم راجعين من شغلهم

وكل حامل بطيخته

كانه حامل كنز الصيف كله


بخليهم هلا يجيبو لي بطيخ!!

السلام عليكم

خيو أبو وديع الظــــــــاهر أن

مقـــــــــــــالك هذا فتح لي الشهية

للعودة من خلال مدونتي همس الحنين

هههههههههه

أشكرك والله رجعتنــــــا للزمن الجميل

تحيـــــــــــــــــــــــاتي

أخى أبو وديع الصور التى عرضتها فتحت شهيتى للأكل ونحن فى المغرب العربى نسميه الدلاع ويعتبرمن الغلال المفضلة فى فصل الصيف لاحتوائه على نسبة كبيرة من الماءالدى يحتاجه الجسم للتغلب على حرارة الطقس
أم وسيم

شكرا ابو وديع على معرض البطيخ الالكتروني ده هههههه
يبدو انك تحن كتيرا للماضي اخي الاكبر ..

العزيز الغالي أبو وديع

لم اكن أتجاوز السادسة في ذاك اليوم
سألني عمي على وكأنه يطرح لي لغزا
قال: شو هو الشيء اللي بعشّيك وبسلّيك وبعشي حمارك؟

عقلي الغض حينها لم يكن يسمح لي بالوصول للإجابة، خصوصا وانه لم يكن لنا حمار.
إلى أن حل بنفسه اللغز وقال إنه البطيخ.

فكل ما كان يهم الفلاح في ذلك الوقت هو لب البطيخ الأحمر فيأكله
ويتسلى على البزر
اما القشر فيتعشى عليه الحمار.

اليوم أشفق جدا على الحمار.
فهذه الفنون وهذا الإبداع في قشر البطيخ لم يتركا للحمار نصيبا
فها انا أرى حتى القشر أصبح مطلوبا لتزيين المائدة، فكيف سيتعشى الحمار؟

لكنني على يقين بأن من يصنع من القشر مثل هذه اللوحات الفنية من المؤكد انه لا يقتني حمارا.

وهذا يعني أن اللغز الذي سألني اياه عمي قديما لم يعد أحد يسأله اليوم، لان الشق الثالث من اللغز لم يعد مطروحا.

ربي يحفظك ويرعاك لنا يا سامح
فموضوعاتك دوما مميزة

البطيخ ..



والله من جد حلوين الصور

فن .. وذوق .. وأتيكيت

على الله الواحد يقدر يتعلم منها


يسلموا إيديك ويعافيك ربي

رحم الله ايام زماااااااااااااان

دمتي بألف خير

قال أحدهم يصف زوجته " إنها طيبة وقلبها أبيض مثل البطيخ " ههههههههههههههه

رطبت أيامنا الصيفية الحارة بهذه الصور اللذيذة يا سامح

تحياتي

شيماء

ابو وديع الغالى
..
صور حلوه قوى
..
بس طلع نزل هو بطيخ ههههههههههههه
..
تسلم
..
ريم

رائع والله يا ابوديع ... في صرخة بتقول وقت توزيع البطيخ بدك تسمع الصريخ شي اكلولي حصتي شي ما بيقدوني ..... ايه والله زمن ....
صار الزمن براي بطيخة كبيرة مين الشاطر اللي بياكلاااااااا

دمت ذخرا للتنوع الذي تقدمه لنا
دمت بخير
تقبل مروي
نوزااااااااااااا

السلام عليكم

اخي الغالي والعزيز سامح

كلمات جميلة سلمت يداك

هذا موضوع جدا جميل

البطيخ جدا لذيذ

اه على ايام زمان كنا


مع تحياتي اختك في الله


...مريم...

ابود وديع

مع اني مو عايشه ايام زمان وايام الاصاله لاني لساتني صغيره بس بتذكر هالكلمات من ابوي ومن رواياته لما احنا نتجمع حول البطيخه

والله صور بتاخد العقل شهتني بالبطيخ هههههههههه

سلمت يداك موضوك ,كلماتك بغاية الروعه

تقبل مروري

لبنى

السلام عليكم أخي العزيز

** سيدي - أبو وديع **

ذكرتنا بأحلى أيام يا غالي ..

هل الأيام حتى البطيخ لا لو ريحة و لا طعم..


اللهم اجزيه الخير و جعله في ميزان العمل...

اللهم أغفر و ارحم من كتب ...

اللهم اغفر و ارحم من قرأ....

اللهم اغفر و ارحم من علق...


بارك الله فيك و حماك الله و رعاك و نولك مناك

بكل احترام و تقدير

سدير
***